因為有米所以派米的故事
「我們是誰? 想緊咩做緊咩?」
>我們就是一班燃燒自己,點亮別人的70後80後90後! 能做多少盡力做多少! 至少人人可以藉信心,把希望,關愛,分享給社區朋友,在苦難中仍看見盼望!
>我們相信”存謙卑的心與窮乏人在一起, 勝過與驕傲人同分戰利品”, 其實不是我們去做義工，而是我們從老友記身上學習，陪一陪他們說話，聽一聽他們寶貴的人生故事！
>捐款或捐物資，我們就去與長者分享關愛！
>我們相信生命係可以轉化生命, 希望全港18區, 每個節日都有分享愛行動!
係五年前一個凌晨, 我做完嘢返屋企, 撞到一個冇頭嘅婆婆, 嚇咗一大跳, 我轉身一望 原來佢條頸歪咗, 好似倒L型咁樣, 原來凌晨佢都仲喺度執緊紙皮, 之後見佢仲係便利店門口嘅一堆”紙皮山”到瞓咗, 我才想起來佢應該已喺呢度好耐好耐, 但係我從來都沒有看見或者在意到佢!
後來, 我自行同佢改咗個花名叫”頭不能直婆婆”, 然後心諗可以做啲嘢幫下佢, 於是喺社交平台叫朋友一齊湊啲錢攞畀佢, 結果大家估到嗎? 婆婆一口拒絕咗, 話唔需要, 叫我留番畀我自己. 我先發現, 原來我連關愛別人都唔識, 及我們身邊有好多人係被忽略的! 如果執紙皮係公公婆婆嘅世藝係一回事, 同埋其實香港地都要好好多謝佢哋去幫手清理紙皮, 但係我絕對相信係唔應該再有公公婆婆係要以執紙皮維生過活! 佢地都係曾經為香港貢獻過的人!
呢件事之後我就同我太太, 籃球隊友及同事一齊去搞呢個行動. 開頭我搵咗好多慈善機構, 話我有一班朋友可以參加做義工, 有冇啲探訪對象提供. 但係好多覆我話唔需要,後來搵到信義會呀kate話好歡迎我哋, 好多隱蔽獨居長者需要關愛探訪. 於是我哋就 藉信心, 把希望, 關愛, 由第一年一個區, 一步步分享到今年第四年四個區, 我相信生命係可以轉化生命, 希望有一日”全港18區, 每個節日”, 隱蔽獨居長者都有我哋呢班去陪傾計的義工, 陪一陪佢地傾計，聽一聽佢地寶貴的人生故事！
參與左行動之後, 我學到好多探訪技巧, 對於家庭,工作,生活, 都好有用, 例如平時成日問屋企人食咗飯未呀? 其實可以問今晚買咗咩餸食? 仲有就係原來香港呢個咁繁華嘅國際都市係有好多人係被忽略, 同埋我地係忙到連關愛身邊人嘅能力都退化咗!
仲有就係, 原來香港嘅社福事項係劃分咗地頭, 區域, 機構及對象, 先至可以去提供服務去幫人! 另一個情形就係, 原來好多公屋係賣咗出去, 私有化咗, 而管理公司有某些背景或目的, 會阻止義工, 社工, 甚至乎義務醫生護士去幫助有需要人士. 所以早段時間屯門山景邨發生慘案都冇人知道. 及有好多冇左另一半嘅隱蔽獨居長者, 連買菜煮飯食都好艱難的, 而係節日自殺! 我相信呢啲事情唔應該發生! 當到我家人或我自己老咗, 都唔希望會發生喺自己身上!
我哋嘅行動除咗陪公公婆婆傾傾計之外, 仲可以報告隱蔽獨居長者既需要跟進事情比社工知道, 之後去跟進個案. 其實同時都令我哋學習點樣關愛身邊嘅人, 點樣有效將關愛帶比屋企人! 就好似行動名咁：因為其實我地都已好富足, 所以走去分享愛!
(寫於２０１８年２月４日)
義工回應
//我之前都有係協會做過5次義工 探訪 講講座 急救 什至上內地探小朋友，但我好認同 好多時候 遇到一D原來5係你想幫就幫得..你要通過好多樣野 好多approve 好多私隱問題 好多明明好簡單但搞到好複雜既野 (跟足佢地流程去傾計相唔比影 連帶個朋友黎做都話佢5係會員所以無資格 etccc)，今日既活動雖然唔算大型 但至少令我覺得好簡單 好貼地 你問候人一下 人地好直接面對面收到晒，所以如果之後有咩需要 隨時出聲 任何地點都好 只要時間許可 我都可以幫助！
//感謝給我們充實而且很有意義的一天，日後有多D義工工作更好，謝謝你！
//好開心，希望有機會再可以集更多人一齊去分享愛。以前我做義工都係去老人院幫啲老友記剪下頭髮，果度啲公公婆婆可能無乜人探，可能耐無講嘢有啲已經失語症。之後女女做bb醫生，只係去左社區會堂咁一大班咁玩下遊戲。
同今次真係好唔同，今次可能同啲公公婆婆深入啲咁傾下慰問下，只可惜時間有啲趕，最後一家都只係傾左一陣就要走. 即使唔係送物資，只係探訪都可以預我😊多啲同老人家傾計都會令自己增值不少💪🏻//Hello 想話番你地當日義工探訪後，有2位長者致電道謝，表示有義工探訪同收到禮物好開心👏🏻
//ANDY 及其他義工們，你們好！通過這次活動，我們感受到鄉村小鎮的純樸，村民的熱情！真是想不到香港還有這種鄉村風情。當我們走在鄉村小道上，溫暖的太陽、清新的空氣、再加上微風輕撲到我們的臉上，令我們顿時心曠神怡，精神為之一振，好舒服！見到我們所探望的兩位老友記早已在家中等待，可以和他們談話實在很高興，從他們口中可以聽到歷歷在目的過去香港歷史！他們真是一本人肉歷史書！很有意思。可惜的是因時間關係沒能與他們多談！感覺到他們真的很孤單希望多些人可以再去探望它們，關心他們。希望下次還有機會再次去探望他們！很高興認識一班志同道合，又有愛心的義工們！有機會下次再會😄😄😄😄😄
>義工報名表格
https://goo.gl/forms/BmB17YcJbksQH1oH3探訪對象: #獨居 #隱閉 #長者
招募義工:
1: 葵涌石蔭
2: 屯門山景
3: 沙田瀝源
4: 大圍新翠&新田圍
“5: 上水古洞村已被搬遷~!”
6. 紅磡八十后體育會 Eighties Sports Club
電郵: eighties.sportsclub@gmail.com
專頁: https://www.facebook.com/EightiesSportsClub>如有興趣支持本會的社會行動，歡迎運用以下的分享方法︰
1. 分享所需禮物(物資)及一齊去探訪 “隱者”
2. 如非不得已及無時間, 可將想分享的禮物(物資)資金, 存入本會戶口並將入數紙電郵至本會(※如需索取免稅收據，請捐款達HK$500或以上，並與本會查詢)
3. BURST Accepted Here (with Blockchain Donation Trace): BURST-T7VB-H5JR-9JYJ-3S6JR
===
Topick.HKET.com: http://bit.ly/2S2sqst
晴報訪問:
https://skypost.ulifestyle.com.hk/…/2159721/80後派米派月餅+為獨居長者送暖
東方日報訪問：
http://orientaldaily.on.cc/cnt/news/20180304/00176_120.html
http://orientaldaily.on.cc/cnt/news/20180304/00176_121.html
關義工-朱薰E
http://bit.ly/2S2QRGu
http://bit.ly/2Kg13su
#因為有米所以派米大行動 #派米 #義工 #謙卑的心 #信望愛 #分享愛 #隱閉 #獨居 #長者 #Charity #Volunteer #葵涌 #屯門 #沙田 #大圍 #上水古洞 #紅磡 #支持本港小店
